തളിപ്പറമ്പ :മഴ പെയ്താൽ ചെറുവാഹനങ്ങൾ ഉൾപ്പെടെ വളരെ ബുദ്ധിമുട്ടിയാണ് ഇതുവഴി കടന്നു പോകുന്നത്.ചെറിയ മഴപെയ്താൽ പോലും തളിപ്പറമ്പ് ഇരിട്ടി സംസ്ഥാനപാതയിൽ നിന്ന് ആരംഭിക്കുന്ന കോളേജ് റൂട്ടിൽ വെള്ളക്കെട്ട് രൂക്ഷമാകും. ഈ പ്രദേശത്ത് റോഡിന്റെ ഒരുവശത്ത് മാത്രമാണ് നഗരസഭ നിർമ്മിച്ച ഡ്രൈനേജ് ഉള്ളത്. മഴപെയ്താൽ മറുവശത്ത് വെള്ളം കെട്ടി നിൽക്കുകയാണ്. ഡ്രൈനേജ് ഇല്ലാത്ത ഭാഗത്ത് വെള്ളം റോഡിൽ കെട്ടിക്കിടക്കുകയാണ്. നിരവധി വിദ്യാർത്ഥികൾ കാലടിയായി സഞ്ചരിക്കുന്ന റൂട്ടിൽ വെള്ളക്കെട്ട് ദുരിതമാവുകയാണ്. ചെറു വാഹനങ്ങൾ പോലും ഇതുവഴി കടന്നുപോകുമ്പോൾ ദേഹത്തേക്ക് ചെളി തെറിക്കുന്ന സാഹചര്യമാണ്. വെള്ളം കെട്ടിനിന്ന് പലഭാഗത്തും റോഡ് തകർന്നതും യാത്രാ ദുരിതത്തിന് കാരണമായിട്ടുണ്ട്. അധികാരികൾ എത്രയും പെട്ടെന്ന് വെള്ളക്കെട്ടിന് പരിഹാരം ഉണ്ടാക്കണമെന്നാണ് ഉയരുന്ന ആവശ്യം
Waterlogging on Sir Syed College Road is causing difficulties for people, including students.
.jpg)
